Theater Grossaffoltern Willkommen - Theater Grossaffoltern

Loset Lüt u spitzet d Ohre, veruss ischs chaut u es isch gfrore

D Theaterzit die isch verbi., itze zieht der Winter i

Theaterbüechli die si zue u mir gönne üs chlei Rueh

Doch ig la no nid ganz lugg u luege no e Momänt zrugg

Im Meie hei mer d Büechli bschteut u hei enang die Gschichte verzeit

Es git es längs hin u här, das useläse wird rächt schwär

U mängs Büechli mues dra gloube, wo mer hei müesse usschoube

Mir hei üs rächt lang bsunne, "E Nacht lang dänku" het da gwunne

U wi mer itze hei verno Isch aus guet usecho

Unger der Regie vom Lucas Bühler, hei mir gschpiut fasch ohni Fähler

Einisch meh e gueti Sach, mit viu Fröid u ohni Krach

Theaterlüt vo Jung bis Aut gä däm Verein der richtig Haut

Mit viune Häufer u Häuferinne, wo gschrampfet hei Dusse u Dinne

Eso chas no lang witergah, wiu dä Verein dä mues Beschthah

Loset Lüt u spitzet d Ohre, dä Verein isch no nid verlore!

Ig hoffe das sig Aune klar, das mir kämpfe no mängs Jahr

Loset Lüt u spitzet d Ohre, das isch se itze gsi die Gschicht

Mit em Afang vo ganz vore u em Schluss no mit mim Bricht.

-Alfred Schweizer

Neue Bilder der Intensivproben sind da!

22.10.2025

Ein Wochenende voller Theater!

Neue Bilder vom Betweensabschluss verfügbar :)

06.10.2025

Juhu endlich sind die Bilder vom Abschluss unserer Betweens da!

Termine abonnieren (in Kalender wie Outlook, iCal oder Mobilgeräte hinzufügen)